Прэзентацыя зборніка паэзіі Вольгі Коваль “Беларускі блюз”

27 лістапада 2024 г. у чытальнай зале бібліятэкі БДТУ адбудзецца літаратурна-музычная вечарына Вольгі Уладзіміраўны Коваль з прэзентацыяй яе чарговага зборніка паэзіі “Беларускі блюз”. Студэнты розных факультэтаў і курсаў, якія сталі ўдзельнікамі праекта “Клуб крэатыўнасці”, будуць дапамагаць паэтэсе і выкладчыцы ствараць творчы настрой прысутных, адчуванне непаўторнасці і святочнасці.

“Беларускі блюз” – гэта шостая кніга вершаў Вольгі Уладзіміраўны Коваль, дзе прадстаўлены творы апошніх гадоў. Лірыку зборніка вылучаюць адметныя рытмы і чулыя вобразы, шчырыя развагі і кранальныя высновы. Вечарына павінна напоўніць штодзённасць колерамі паэтычных радкоў з выключнай беларускай меладычнасцю і нацыянальным каларытам.

Запрашаем усіх аматараў сучаснай беларускай паэзіі!