Ведаць і памятаць

Бібліятэка падрыхтавала выставу дакументаў, якая знаходзіцца ў холе бібліятэкі.

80 гадоў прайшло з Дня Перамогі савецкага народа ў Вялікай Айчыннай вайне. Мільёны загінуўшых. Асабісты боль кожнай беларускай сям’і, дзе родныя не вярнуліся з фронту, прапалі без вестак, закатаваныя, расстраляныя, спаленыя, сагнаныя ў Германію. Мы ўжо нічога не зменім у мінулым, але наш абавязак — памятаць: з успамінаў блізкіх, з кніг, з урокаў гісторыі ў школе, з фільмаў. Наша памяць пра вайну, напэўна, генетычная. Мы будзем памятаць, каб больш ніколі не прыйшлося праводзіць блізкіх на фронт, каб дамы будаваліся, а не разбураліся, каб людзі нараджаліся, а не гінулі. Каб жыццё працягвалася.